തൊടുപുഴ: സാമൂഹ്യ വനവത്കരണ വിഭാഗം ഇടുക്കി ഡിവിഷന്റെ ആഭിമുഖ്യത്തിൽ നടത്തിവരുന്ന വനമഹോത്സവത്തിന്റെ ഭാഗമായുള്ള വൃക്ഷത്തൈ നടീൽ നാളെ രാവിലെ 9.30 മുതൽ നടുക്കണ്ടം എം.വി.ഐ.പി കനാലിന് സമീപം നടത്തുന്നു. ഇടുക്കി യൂത്ത് ഹോസ്റ്റൽസ് അസ്സോസിയേഷൻ, കരിങ്കുന്നം സെന്റ് അഗസ്റ്റിൻസ് ഹയർ സെക്കന്ററി സ്​കൂൾ നാഷണൽ സർവ്വീസ് സ്​കീം യൂണിറ്റ് എന്നിവ ചേർന്ന് നടുക്കണ്ടം റസിഡൻസ് അസ്സോസിയേഷന്റെ സഹകരണത്തോടെ നടത്തുന്ന പരിപാടി തൊടുപുഴ ഡി.വൈ.എസ്.പി മുഹമ്മദ് റിയാസ് ഉദ്ഘാടനം ചെയ്യും. വാർഡ് കൗൺസിലർ മെർലി രാജു ചടങ്ങിൽ അദ്ധ്യക്ഷത വഹിക്കും.