തൊടുപുഴ: ജില്ലാ ജൂനിയർ നെറ്റ്‌​ബോൾ ചാമ്പ്യൻഷിപ്പ് ഞായറാഴ്ച്ച രാവിലെ 9 മുതൽ വെങ്ങല്ലൂർ മുനിസിപ്പൽ യു.പി. സ്​കൂൾ ഇൻഡോർ സ്‌​റ്റേഡിയത്തിൽ നടത്തും. 01.01.2006ന് ശേഷം ജനിച്ച ആൺകുട്ടികൾക്കും പെൺകുട്ടികൾക്കും മത്സരത്തിൽ പങ്കെടുക്കാം. ജില്ലാ നെറ്റ്‌​ബോൾ അസ്സോസിയേഷൻ, ജില്ലാ സ്‌​പോർട്ട്​സ് കൗൺസിലുമായി ചേർന്ന് നടത്തുന്ന ചാമ്പ്യൻഷിപ്പ് ജില്ലാ എക്‌​സൈസ് ഡെപ്യൂട്ടി കമ്മീഷണർ ആർ. ജയചന്ദ്രൻ ഉദ്ഘാടനം ചെയ്യും. വാർഡ് കൗൺസിലർ നിധി മനോജ് അദ്ധ്യക്ഷത വഹിക്കും. വിജയികൾക്ക് നഗരസഭ വികസനകാര്യ സ്റ്റാന്റിംഗ് കമ്മിറ്റി ചെയർമാൻ കെ. ദീപക് സമ്മാനദാനം നിർവ്വഹിക്കും. ആഗസ്റ്റ് 3, 4 തീയതികളിൽ പാലക്കാട് വച്ച് നടത്തുന്ന സംസ്ഥാന ജൂനിയർ നെറ്റ്‌​ബോൾ ചാമ്പ്യൻഷിപ്പിൽ പങ്കെടുക്കേണ്ട ജില്ലാ ടീമിനെ ഈ മത്സരത്തിൽ നിന്നും തെരഞ്ഞെടുക്കും. പങ്കെടുക്കേണ്ട ടീമുകൾ വെള്ളിയാഴ്ച്ചയ്ക്കകം രജിസ്‌​ട്രേഷൻ നടത്തേണ്ടതാണെന്ന് സെക്രട്ടറി മുഹമ്മദ് ഫാസിൽ അറിയിച്ചു. കൂടുതൽ വിവരങ്ങൾക്ക് ബന്ധപ്പെടുക:ഫോൺ. 9526988602, 9447753482