ഇടുക്കി: ജില്ലയിലെ വിവിധയിടങ്ങളിൽ ഭക്ഷ്യവസ്തുക്കൾ സൗജന്യമായി പരിശോധിപ്പിക്കാൻ പൊതുജനങ്ങൾക്ക് അവസരം. ജില്ലയ്ക്ക് അനുവദിച്ച മൊബൈൽ ഭക്ഷ്യപരിശോധനാ ലാബോറട്ടറി വാഹനത്തിന്റെ ജൂലായ് മാസത്തെ പര്യടനം തൊടുപുഴയിൽ തുടങ്ങി. ഭക്ഷ്യസുരക്ഷാവകുപ്പിന്റെ നേതൃത്വത്തിൽ ശനിയാഴ്ച്ച വരെ തൊടുപുഴയിൽ പര്യടനം നടത്തും. തുടർന്ന് 8 മുതൽ 12 വരെ ദേവികുളം, 15 മുതൽ മുതൽ 20 വരെ ഇടുക്കി, 22 മുതൽ 27 വരെ പീരുമേട്, 29 മുതൽ 31 വരെ ഉടുമ്പൻചോല, എന്നിവിടങ്ങളിൽ വാഹനം ഭക്ഷ്യപരിശോധനക്ക് എത്തും. ഇവിടെ പൊതുജനങ്ങൾക്ക് ഭക്ഷ്യവസ്തുക്കൾ തികച്ചും സൗജന്യമായി പരിശോധനയ്ക്ക് വിധേയമാക്കാം. കൂടുതൽ വിവരങ്ങൾക്ക് ഫോൺ: 04862 220066.