വണ്ണപ്പുറം: ഗുരുദർശനം പഠിക്കേണ്ടതും ജീവിതത്തിൽ പകർത്തേണ്ടതും ഇന്നത്തെ കാലഘട്ടത്തിന്റെ ആവശ്യമാണെന്നും അതിനായി വനിതാ സംഘം പ്രവർത്തകർ മുന്നിട്ടിറങ്ങണമെന്നും എസ്.എൻ.ഡി.പി യോഗം തൊടുപുഴ യൂണിയൻ അഡ്മിനിസ്‌ടേറ്റീവ് കമ്മിറ്റി അംഗവും വനിതാ സംഘം സെക്രട്ടറിയുമായ സ്മിത ഉല്ലാസ് പറഞ്ഞു. വണ്ണപ്പുറം ശാഖയിലെ വനിതാ സംഘം,​ കുമാരി സംഘം തിരഞ്ഞെടുപ്പ് ഉദ്ഘാടനം ചെയ്യുകയായിരുന്നു സ്മിത. ശാഖാ പ്രസിഡന്റ് എം.ജി. പ്രിൻസ് അദ്ധ്യക്ഷത വഹിച്ച യോഗത്തിൽ ശാഖാ സെക്രട്ടറി കെ.എൻ. ബാബു സ്വാഗതം ആശംസിച്ചു. യോഗത്തിൽ വൈസ് പ്രസിഡന്റ് വേണുകുമാർ,​ ശാഖാ കമ്മിറ്റി അംഗങ്ങളായ സി.കെ. ദിവാസ്, ജനാർദ്ദനൻ, എബിൻ മണി, യൂണിയൻ സൈബർ സേന ചെയർമാൻ സതീഷ്, വനിതാ സംഘം കമ്മിറ്റി അംഗം മൃദുല എന്നിവർ സംസാരിച്ചു. വനിതാ സംഘം ഭാരവാഹികളായി ധന്യ ടീച്ചർ (പ്രസിഡന്റ്),​ ജാനമ്മ (വൈസ് പ്രസിഡന്റ്), ബിന്ദു ടീച്ചർ (സെക്രട്ടറി) എന്നിവരെ തിരഞ്ഞെടുത്തു.​ കുമാരി സംഘം ഭാരവാഹികളായി ശിവരജ്ഞിനി
(പ്രസിഡന്റ്),​ സുവ്യ (​വൈസ് പ്രസിഡന്റ്),​ ഗായത്രി (സെക്രട്ടറി)​ എന്നിവരെ തിരഞ്ഞെടുത്തു.