പീരുമേട്: കക്കിക്കവലക്ക് സമീപം റിക്കവറി വാൻ നിയന്ത്രണം വിട്ട് കലുങ്കിൽ ഇടിച്ച ശേഷം സമീപത്തെ വീടിന്റെ ഭിത്തിയിൽ ഇടിച്ചു നിന്നു. . തമിഴ്നാട് ഈറോഡിലേക്ക് മറ്റൊരു വാഹനം കെട്ടിവലിച്ച് കൊണ്ടുപോകുന്ന വഴിക്ക് ചുരക്കുളത്തിനും നെല്ലിമലിക്കും ഇടയിൽ വച്ചാണ് അപകടം ഉണ്ടായത്. ബ്രേക്ക് നഷ്ടപ്പെട്ടതിനെ തുടർന്ന് കെട്ടി വലിച്ച് കൊണ്ടുപോയ റിക്കവറി വാനാണ് അപകടത്തിൽപ്പെട്ടത്. പുത്തൻവീട്ടിൽ സെയ്ദിന്റെ വീടിന്റെ ഭിത്തിയിലാണ് വാഹനം ഇടിച്ചു നിന്നത്. അപകടം നടന്ന വീടിന്റെ ഭാഗത്ത് ആളില്ലാതിരുന്നത് വൻഅപകടം ഒഴിവായി. വീടിന്‌കേടുപാടുകൾ സംഭവിച്ചു. തുടർന്ന് ജെ.സി.ബി ഉപയോഗിച്ച് വാഹനംറോഡിലേക്ക് വലിച്ചു കയറ്റിയാണ് രക്ഷാപ്രവർത്തനം നടത്തിയത്.അപകടത്തിൽ ആർക്കും പരിക്കില്ല. തമിഴ്നാട് ഈറോഡിൽ നിന്നും വാഗമൺ കാണാൻ എത്തിയ വിനോദസഞ്ചാരികളുടെ വാഹനംകേടായതിനെ തുടർന്ന് റിക്കവറിവാൻ കുമളിയിൽ നിന്നും എത്തി കൊണ്ടുപോകാൻ വന്നത്. കഴിഞ്ഞ മൂന്ന് ദിവസമായി പെയ്ന്ന ശക്തമായ മഴയെ തുടർന്ന് വാഹനങ്ങൾറോഡിൽ നിന്നും തെന്നിമാറിയാണ് അപകടം ഉണ്ടായത്.