തൊടുപുഴ: ജില്ലയിൽ ഉപതിരഞ്ഞടുപ്പ് നടക്കുന്ന തദ്ദേശ വാർഡുകളിൽ 30 ന് എല്ലാ സർക്കാർ സ്ഥാപനങ്ങൾക്കും വിദ്യാഭ്യാസ സ്ഥാപനങ്ങൾക്കും ജില്ലാ കളക്ടർ പ്രാദേശിക അവധി പ്രഖ്യാപിച്ചു. പോളിംഗ് ബൂത്തുകളായി പ്രവർത്തിക്കുന്ന വിദ്യാഭ്യാസസ്ഥാപനങ്ങൾക്ക് വേട്ടെടുപ്പിന്റെ തലേദിവസവും അവധിയായിരിക്കും. തൊടുപുഴ മുനിസിപ്പാലിറ്റിയിലെ 9പെട്ടേനാട് വാർഡിലും ഉടുമ്പൻചോല ഗ്രാമപഞ്ചായത്തിലെ 8പാറത്തോട്, അറക്കുളം ഗ്രാമപഞ്ചായത്തിലെ 6ജലന്ധർ, ഇടുക്കി ബ്ലോക്ക് പഞ്ചായത്തിലെ തോപ്രാംകുടി എന്നിവിടങ്ങളിലാണ് ഉപതിരഞ്ഞെടുപ്പ് നടക്കുക. ഈ വാർഡുകളിൽ 28 വൈകിട്ട് 6 മുതൽ വേട്ടെണ്ണൽ ദിനമായ 31 വൈകിട്ട് 6 വരെ മദ്യഷാപ്പുകളും ബി​വറേജസ് മദ്യവിൽപ്പനശാലകളും അടച്ചിട്ട് ഡ്രൈ ഡേ ആചരിക്കാനും കളക്ടർ ഉത്തരവിട്ടു.