കട്ടപ്പന: എസ്.എൻ.ഡി.പി യോഗം മലനാട് യൂണിയൻ യൂത്ത് മൂവ്‌മെന്റിന്റെയും കട്ടപ്പന ശാഖയുടെയും കാർക്കിനോസ് ഹെൽത്ത് കെയർ കേരളയുടെയും സംയുക്താഭിമുഖ്യത്തിൽ സൗജന്യ ക്യാൻസർ സാദ്ധ്യത നിർണയ ക്യാമ്പ് കട്ടപ്പനയിൽ നടത്തി. മലനാട് യൂണിയൻ വൈസ് പ്രസിഡന്റ് വിധു സോമൻ ക്യാമ്പ് ഉദ്ഘാടനം ചെയ്തു. ശാഖാ പ്രസിഡന്റ് സന്തോഷ് ചാളനാട്ട് അദ്ധ്യക്ഷത വഹിച്ചു. സെക്രട്ടറി ബിനു പാറക്കൽ, യൂത്ത് മൂവ്‌മെന്റ് യൂണിയൻ പ്രസിഡന്റ് സുബീഷ് വിജയൻ, സെക്രട്ടറി വിഷ്ണു, ജോയിന്റ് സെക്രട്ടറി അജേഷ് സി.എസ്, ശാഖാ മാനേജിംഗ് കമ്മിറ്റി അംഗങ്ങൾ, യൂത്ത് മൂവ്‌മെന്റ് , വനിതാസംഘം ഭാരവാഹികൾ തുടങ്ങിയവരും കാർക്കിനോസ് ഹെൽത്ത് കെയറിലെ ഡോ. ആസിയ, കോർഡിനേറ്റർ അഭിഷേക് എന്നിവർ ക്യാമ്പിന് നേതൃത്വം നൽകി.