തൊടുപുഴ: കേരളകൗമുദിയും എക്സൈസും തൊടുപുഴ ജില്ലാ സഹകരണ ആശുപത്രിയും സംയുക്തമായി എ.പി.ജെ അബ്ദുൾകലാം ഹയർസെക്കൻഡറി സ്കൂളിൽ നാളെ രാവിലെ 11ന് ലഹരിവിരുദ്ധ ബോധവത്കരണ സെമിനാർ നടത്തും. സ്കൂൾ പ്രിൻസിപ്പൽ വി.ആർ. ജയകുമാരി അദ്ധ്യക്ഷത വഹിക്കും. തൊടുപുഴ ജില്ലാ സഹകരണ ആശുപത്രി പ്രസിഡന്റ് കെ.ആർ. ഗോപാലൻ ഉദ്ഘാടനം ചെയ്യും. കേരളകൗമുദി യൂണിറ്റ് ചീഫ് ആർ. ബാബു രാജ് മുഖ്യപ്രഭാഷണം നടത്തും. ജില്ലാ സഹകരണ ആശുപത്രി ചീഫ് ഫിസിഷ്യൻ ഡോ. റെജി ജോസ് ക്ലാസ് നയിക്കും. സിവിൽ എക്സൈസ് ഓഫീസർ വി.ആർ. സിനോജ് ലഹരി വിരുദ്ധ സന്ദേശം നൽകും. എൻ.എസ്.എസ് പ്രോഗ്രാം കോർഡിനേറ്റർ ഡയസ് ജോൺ സ്വാഗതവും വോളന്റിയർ ഗോപിക മനോജ് നന്ദിയും പറയും.