പാനൂർ: കാർഷിക സംസ്‌കാരം വിദ്യാർത്ഥികളിലൂടെ തിരികെ പിടിക്കുക എന്ന ലക്ഷ്യവുമായി പാനൂർ ലയൺസ് ക്ലബ്ബ് ചോതാവൂർ ഹയർ സെക്കൻഡറി സ്‌കൂളിലെ വിദ്യാർത്ഥികൾക്ക് നേന്ത്രവാഴക്കന്നുകൾ വിതരണം ചെയ്തു. ലയൺസ് ഡിസ്ട്രിക്ട് റീജണൽ ചെയർമാൻ പി.പി.സുധീഷ് വാഴക്കന്ന് വിതരണത്തിന്റെ ഉദ്ഘാടനം നിർവഹിച്ചു. പ്രധാനദ്ധ്യാപകൻ കെ.പി.ജയരാജൻ അദ്ധ്യക്ഷത വഹിച്ചു. പന്ന്യന്നൂർ ഗ്രാമപഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ കെ.കെ മണിലാൽ, ലയൺസ് ഭാരവാഹികളായ ബിജോയ് എസ്.നമ്പ്യാർ, കെ.കൃഷ്ണൻ, കെ.കെ.മോഹൻദാസ്, പി.പി.ശ്രീധരൻ, രാജൻനമ്പ്യാർ, പി.കെ.രവീന്ദ്രൻ, എം. ജയശീലൻ, പി.ടി.എ പ്രസിഡന്റ് നസീർ ഇടവലത്ത്, മാനേജർ എ.കലേഷ് എന്നിവർ സംസാരിച്ചു. . ഡിസ്ട്രിക്റ്റ് അഡീഷണൽ ക്യാബിനറ്റ് സെക്രട്ടറി പി. പവിത്രൻ സ്വാഗതവും, സൂരജ് ധർമ്മാലയം നന്ദിയും പറഞ്ഞു.