കേളകം: നെൽകൃഷിയെ അടുത്തറിയുന്നതിനായി സെന്റ് തോമസ് എച്ച്.എസ്.എസിലെ എൻ.എസ്.എസ് വളണ്ടിയേഴ്സ് തിരുവാതിര ഞാറ്റുവേലയിൽ പാടത്തേക്കിറങ്ങി. നിലമുണർന്നു... വിതയ്ക്കാം വിത്ത് പദ്ധതിയുടെ ഉദ്ഘാടനം കണിച്ചാർ ഗ്രാമ പഞ്ചായത്ത്‌ പ്രസിഡന്റ്‌ ആന്റണി സെബാസ്റ്റ്യൻ നിർവഹിച്ചു. സ്കൂൾ മാനേജർ ഫാദർ വർഗീസ് കവണാട്ടേൽ അദ്ധ്യക്ഷത വഹിച്ചു, വാർഡ് മെമ്പർ ലിസമ്മ ജോയ്, പ്രോഗ്രാം ഓഫീസർ എ.സി ഷാജി,മുൻ പ്രോഗ്രാം ഓഫീസർ ഷൈജോ കെ.വിജയൻ,
എൻ.എസ്.എസ് വളണ്ടിയർ സാന്ദ്ര സണ്ണി എന്നിവർ സംസാരിച്ചു. പാടത്തിന്റെ ഉടമസ്ഥരായ ശ്രീനി അരിക്കാട്ട്, ഹരിന്ദ്രൻ അരിക്കട്ട്, എൻ.എസ്.എസ് ലീഡർമാരായ വി.എസ്. ശ്രേയ,ജി.അനുനന്ദ് എന്നിവർ നേതൃത്വം നൽകി.