കണ്ണൂർ: ജില്ലാ പൊലീസിന്റെ സഹകരണത്തോടെ പള്ളിക്കുന്ന് പ്രശാന്തി റസിഡൻസ് അസോസിയേഷന്റെ നേതൃത്വത്തിൽ സെൻട്രൽ ഗവ.ഓഫീസേഴ്സ് വെൽഫെയർ അസോസിയേഷൻ കണ്ണൂർ യൂണിറ്റ്, കേരള സീനിയർ സിറ്റിസൺ ഫോറം, പള്ളിക്കുന്ന് എന്നീ സംഘടനകളുടെ പങ്കാളിത്തത്തോടെ 13ന് രാവിലെ 10 മണി മുതൽ പള്ളിക്കുന്ന് രാധാവിലാസം സ്‌കൂളിൽ സൈബർ ബോധവത്ക്കരണ പരിപാടി നടത്തും.കണ്ണൂർ കോർപ്പറേഷൻ ഡെപ്യൂട്ടി മേയർ അഡ്വ.പി.ഇന്ദിര ഉദ്ഘാടനം ചെയ്യും. പ്രശാന്തി റസിഡന്റ്സ് അസോസിയേഷൻ പ്രസിഡന്റ് ഡി.കൃഷ്ണനാഥ പൈ അദ്ധ്യക്ഷത വഹിക്കും. റിട്ട. ഇൻകം ടാക്സ് കമ്മീഷണർ കെ.സദാനന്ദൻ, കേരള സീനിയർ സിറ്റിസൺ ഫോറം സെക്രട്ടറി സി വി.രവീന്ദ്രൻ എന്നിവർ ആശംസ പ്രസംഗം നടത്തും. സൈബർ പോലീസ് ഇൻസ്‌പെക്ടർ ഷജു ജോസഫ് നേതൃത്വം നൽകും.