കാഞ്ഞങ്ങാട്: ജില്ലാ ജയിലിൽ തടവുപുള്ളികൾ തമ്മിലുള്ള സംഘർഷത്തിൽ ഒരാൾക്ക് ഗുരുതര പരിക്ക്. അബ്കാരി കേസിൽ റിമാൻഡിൽ കഴിയുന്ന കാസർകോട് ബേള കാറ്റത്തങ്ങാടി പെരിയടുക്കം സ്വദേശി പി.എസ് മനു, മൈലാട്ടി കെ.കെ.നിലയത്തിൽ ശരൺ എന്നിവർ തമ്മിലാണ് ഏറ്റുമുട്ടലുണ്ടായത്. ഗുരുതരമായി പരിക്കേറ്റ മനുവിനെ പരിയാരം മെഡിക്കൽ കോളേജിൽ പ്രവേശിപ്പിച്ചു. വിചാരണ തടവുകാരനായ മനുവും മറ്റൊരു കേസിൽ ശിക്ഷ അനുഭവിക്കുന്ന ശരണും നിസാര കാര്യത്തിന്റെ പേരിൽ വാക്കുതർക്കമുണ്ടാവുകയും പിന്നീട് പരസ്പരം ഏറ്റുമുട്ടുകയുമായിരുന്നു.