കാഞ്ഞങ്ങാട്: നെഹ്‌റു കോളേജ് കമ്പ്യൂട്ടർ സയൻസ് വിദ്യാർത്ഥികൾ എൻ.എസ്.എസ് യൂണിറ്റുകൾക്ക് വേണ്ടി തയാറാക്കിയ സോഫ്റ്റ്‌വെയറിന്റെ പ്രകാശനവും എൻ.എസ്.എസിന്റെ സംസ്ഥാന ജില്ലാ മേഖലാ തലങ്ങളിൽ വിജയികളായവർക്കുള്ള അനുമോദനവും അദ്ധ്യയന വർഷം പൂർത്തിയാക്കുന്ന എൻ.എസ്.എസ് വളണ്ടിയർമാർക്കുള്ള യാത്രയയപ്പും കോളേജ് ഓഡിറ്റോറിയത്തിൽ എൻ.എസ്.എസ് സംസ്ഥാന ഓഫീസർ ഡോ. ആർ.എൻ. അൻസെർ ഉദ്ഘാടനം ചെയ്തു. പ്രിൻസിപ്പൽ ഡോ. കെ.വി മുരളി അദ്ധ്യക്ഷത വഹിച്ചു. മാനേജർ കെ. രാമനാഥൻ മുഖ്യതിഥിയായി. ഡോ. നഫീസ ബേബി ഉപഹാരങ്ങൾ നൽകി. പ്രോഗ്രാം ഓഫീസർ വി. വിജയകുമാർ റിപ്പോർട്ട്‌ അവതരിപ്പിച്ചു. കെ.വി. സുജിത്, എ.വി. മിഥുൻ, സി.ആൽവിൻ, അനാമിക ജയരാജൻ എന്നിവർ സംസാരിച്ചു. ഡോ. കെ. വിനീഷ് കുമാർ സ്വാഗതവും എ. സുമലത നന്ദിയും പറഞ്ഞു. കീർത്തന രാജ്, ശരത് എന്നിവരാണ സോഫ്റ്റ്‌വെയർ തയ്യാറാക്കിയത്.