ആലക്കോട് :ആഫ്രിക്കൻ പന്നിപ്പനിയെ തുടർന്ന് ദയാവധം നടത്തിയ 701 പന്നികളുടെ നഷ്ടപരിഹാരമായി 36,04,810 രൂപ മന്ത്രി ജെ.ചിഞ്ചുറാണി വിതരണം ചെയ്തു.പായം,അയ്യൻകുന്ന് , ഉദയഗിരി, മാലൂർ, കണിച്ചാർ പഞ്ചായത്തുകളിലെ കർഷകർക്കാണ് ഉദയഗിരി ഗ്രാമപഞ്ചായത്തിൽ നടന്ന ചടങ്ങിൽ നഷ്ടപരിഹാരത്തുക വിതരണം ചെയ്തത്.

സജീവ് ജോസഫ് എം.എൽ.എ ചടങ്ങിൽ അദ്ധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് പി.പി.ദിവ്യ , ഉദയഗിരി ഗ്രാമ പഞ്ചായത്ത് പ്രസിഡന്റ് കെ.എസ്.ചന്ദ്രശേഖരൻ , മാലൂർ ഗ്രാമപഞ്ചായത്ത് പ്രസിഡന്റ് വി.ഹൈമാവതി, ജില്ലാ പഞ്ചായത്ത് മെമ്പർ ടി.സി പ്രിയ, ഉദയഗിരി ഗ്രാമപഞ്ചായത്ത് വൈസ് പ്രസിഡന്റ് ബിന്ദു ഷാജു, ഉദയഗിരി ഗ്രാമപഞ്ചായത്ത് സ്ഥിരം സമിതി ചെയർപേഴ്സൺമാരായ കെ.എസ്.അഭിഷ, കെ.ടി.സുരേഷ് കുമാർ, ഷീജ വിനോദ്, തളിപ്പറമ്പ് ബ്ലോക്ക് പഞ്ചായത്ത് മെമ്പർമാരായ സരിത ജോസ്, ഗിരിജാമണി ടീച്ചർ, ഉദയഗിരി ഗ്രാമ പഞ്ചായത്ത് മെമ്പർ എം.സി ജനാർദ്ദനൻ, ജില്ലാ മൃഗ സംരക്ഷണ ഓഫീസർ ഡോ.വി.പ്രശാന്ത്, ഡോ.എ.നസീമ, ഡോ.കെ.എസ്.ജയശ്രീ, ഡോ. ബിജോയ് വർഗ്ഗീസ്, എൻ.എം.രാജു, ജോയിച്ചൻ പള്ളിയാലിൽ, ജയ്സൺ പല്ലാട്ട്, കെ.ആർ.രതീഷ്, പി.ഡി.ജയലാൽ, ഇ.എം.നാസർ എന്നിവർ സംസാരിച്ചു. ഡോ.പി.എൻ.ഷിബു ക്ലാസ് എടുത്തു.