തളിപ്പറമ്പ്: പൂക്കോത്ത് തെരുവിലെ മുണ്ട്യക്കാവിൽ ഒരു വ്യാഴവട്ടകാലത്തിനു ശേഷം നടക്കുന്ന ഒറ്റക്കോല മഹോത്സവത്തിന്റെ ആഘോഷ കമ്മിറ്റി രൂപീകരിച്ചു. 2025 ഫെബ്രുവരി മാസത്തിലാണ് ഒറ്റക്കോല മഹോത്സവം. പൂക്കോത്ത് കൊട്ടാരത്തിൽ നടന്ന ആഘോഷ കമ്മിറ്റി രൂപീകരണ യോഗത്തിൽ കൊട്ടാരം ദേവസ്വം പ്രസിഡന്റ് എം.ബാലകൃഷ്ണൻ അദ്ധ്യക്ഷത വഹിച്ചു. പി.സുമേഷ്, കെ.രമേശൻ, പി.മോഹനചന്ദ്രൻ സംസാരിച്ചു. ദേവസ്വം സെക്രട്ടറി സി.നാരായണൻ സ്വാഗതവും ടി.ജയദേവൻ നന്ദിയും പറഞ്ഞു. ഭാരവാഹികൾ: സ്ഥാനീകൻ പി.മോഹൻകുമാർ, കെ.രമേശൻ, എം.നാരായണൻ, കെ.ലക്ഷ്മണൻ, എം.കുമാരൻ, എം.മനോഹരൻ, പി.വിജയൻ (രക്ഷാധികാരികൾ), പി.മോഹനചന്ദ്രൻ (ചെയർമാൻ), എം.ജനാർദ്ദനൻ, ടി.ജയദേവൻ, വി.പുരുഷോത്തമൻ, എം.തങ്കമണി (വൈസ് ചെയർമാൻ), യു.ശശീന്ദ്രൻ (ജനറൽ കൺവീനർ), എം.ഉണ്ണികൃഷ്ണൻ, പി.ഗംഗാധരൻ, ടി.ബാലകൃഷ്ണൻ, ശ്യാമള ശശീധരൻ (കൺവീനർ), എ.പി.വത്സരാജൻ (ട്രഷറർ).