പേരാവൂർ: എസ്.എസ്.എഫ് ഇരിട്ടി ഡിവിഷൻ സാഹിത്യോത്സവ് ഇന്നും നാളെയുമായി പേരാവൂർ മുരിങ്ങോടിയിൽ നടക്കും. ഇന്ന് രാവിലെ 10ന് സ്വാഗത സംഘം ചെയർമാൻ മജീദ് ദാരിമി പതാകയുയർത്തും. കവി ജിനേഷ് കുമാർ എരമം ഉദ്ഘാടനം ചെയ്യും. എസ്.എസ്.എഫ് ജില്ലാ സെക്രട്ടറി റസീൻ അബ്ദുള്ള, അലിഫ് പ്രിൻസിപ്പാൾ സിദ്ദിഖ് മഹ് മൂദി വിളയിൽ പ്രഭാഷണം നടത്തും. നാളെ വൈകുന്നേരം 6ന് സമാപന സമ്മേളനം സംസ്ഥാന സെക്രട്ടറി ആർ.പി.ഹുസൈൻ ഉദ്ഘാടനം ചെയ്യും. തുടർന്ന് മുസ്ലീം ജമാഅത്ത് ഇരിട്ടി സോൺ സെക്രട്ടറി അബ്ദുൾ സലാം സഖാഫിയുടെ പ്രഭാഷണം.വാർത്താസമ്മേളനത്തിൽ പ്രോഗ്രാം കമ്മിറ്റി കൺവീനർ അഷറഫ് ചെവിടിക്കുന്ന്, ഡിവിഷൻ പ്രസിഡന്റ് അഡ്വ.മിദ്ലാജ് സഖാഫി, കൺവീനർ ഷാഫി അമാനി, സി.ജസീർ എന്നിവർ പങ്കെടുത്തു.