വടകര: ഓർക്കാട്ടേരി കെ.കെ.എം ഗവ.ഹയർ സെക്കൻഡറി സ്കൂളിലെ എൻ.എസ്.എസ് യൂണിറ്റ് ദത്ത് ഗ്രാമത്തിൽ പച്ചക്കറി കൃഷിയും ചെണ്ടുമല്ലി കൃഷിയും തുടങ്ങി. എൻ.എസ്.എസിന്റെ ഹരിതഭൂമി പദ്ധതിയുടെ ഭാഗമായി ഒരേക്കറോളം സ്ഥലത്താണ് കുട്ടികൾ പച്ചമുളക്, വെണ്ട, പയർ, ചെണ്ടുമല്ലി തുടങ്ങിയവ കൃഷി ചെയ്യുന്നത്. വിദ്യാർത്ഥികളിൽ കാർഷിക പരിജ്ഞാനം വളർത്തുന്നതിനൊപ്പം ഭക്ഷ്യസുരക്ഷയും പരിസ്ഥിതി സംരക്ഷണവും ഉറപ്പാക്കുന്ന ഹരിത ഭൂമി പദ്ധതി ഏറാമല ഗ്രാമപഞ്ചായത്ത് കൃഷി അസി. സുനിൽ കെ.പി ഉദ്ഘാടനം ചെയ്തു. പ്രിൻസിപ്പൽ സീമ.എൻ.വി, എൻ.എസ്.എസ് പ്രോഗ്രാം ഓഫീസർ ജ്യോതി.പി, ഏറാമല ഗ്രാമപഞ്ചായത്ത് കൃഷി ഓഫീസർ സൗമ്യ.പി, അഗ്രോ സർവീസ് സെന്റർ സെക്രട്ടറി ഇല്യാസ് അബ്ദുള്ള എന്നിവർ പദ്ധതിക്ക് നേതൃത്വം നൽകി.