ഫറോക്ക്: ഫറോക്ക് ചന്ത താലൂക്ക് ആശുപത്രി ഓട്ടോ സ്റ്റാൻഡിന് നഗരസഭയുടെ അനുമതി ആവശ്യപ്പെട്ട് ഫറോക്ക് നഗരസഭാ കവാടത്തിന് മുമ്പിൽ​ 22ന് സൂചനാ കുത്തിയിരിപ്പ് സമരം നടത്താൻ മോട്ടോർ തൊഴിലാളി ഫെഡേറേഷൻ എസ്. ടി.യു ഫറോക്ക് ചന്ത യൂണിറ്റ് കമ്മിറ്റി ജനറൽ ബോഡി യോഗം തീരുമാനിച്ചു. പല തവണ കത്ത് നൽകിയിട്ടും ഫറോക്ക് നഗരസഭ അധികാരിക​ൾ ​ ഉദാസീനത കാണിക്കുന്ന​തായി ഭാരവാഹികൾ പറഞ്ഞു.

ചന്ത യൂണിറ്റ് പ്രസിഡന്റ് സിദ്ധീഖ് വൈദ്യരങ്ങാടി അ​ദ്ധ്യക്ഷത വഹിച്ചു. ജനറൽ സെക്രട്ടറി കെ.കൗഷീഖ്, യാഷിദ് പരുത്തിപ്പാറ, റഫീഖ് കാപ്പാടൻ, കെ.ഫൈസൽ, മാമുക്കോയ, കെ.ആലിക്കുട്ടി, കെ.പി.അബ്ദുൽ ലത്തീഫ് ​എന്നിവർ പ്രസംഗിച്ചു.