രാമനാട്ടുകര: വാഴയൂർ ജി.ആർ.സിയും കോട്ടയ്ക്കൽ ആര്യവൈദ്യശാലയും സംയുക്തമായി പതിനാറാം വാർഡ് സായംപ്രഭ ആൻ‌ഡ് സായന്തനം വയോജന വേദി അംഗങ്ങൾക്ക് ആരോഗ്യ ബോധവത്ക്കരണ ക്ലാസും ഔഷധക്കഞ്ഞി വിതരണവും നടത്തി. പ്രോഗ്രാം വാർഡ് മെമ്പർ എ.വി അനിൽകുമാർ ഉദ്ഘാടനം ചെയ്തു. പ്രസിഡന്റ്‌ രാവുണ്ണികുട്ടി അദ്ധ്യക്ഷത വഹിച്ചു. നിത്യജീവിതത്തിൽ ആയുർവേദത്തിന്റെ പ്രാധാന്യം എന്ന വിഷയത്തിൽ കോട്ടയ്ക്കൽ ആര്യവൈദ്യശാലയിലെ ഡോ. അർജുൻ ക്ലാസെടുത്തു. സീനിയർ സെയിൽസ് എക്സിക്യൂട്ടീവ് പ്രശോഭ് , കമ്മ്യൂണിറ്റി കൗൺസിലർ സ്മിത, രാധ കാരാട്,ആശ വർക്കർ ഗീത, അങ്കണവാടി അദ്ധ്യാപിക സുഭദ്ര എന്നിവർ പ്രസംഗിച്ചു. സായന്തനം വയോജനവേദി സെക്രട്ടറി രാധ സ്വാഗതവും സി.വി.ഉഷ നന്ദിയും പറഞ്ഞു.