കാർഗിൽ വിജയത്തിനൊപ്പം ക്യാപ്റ്റൻ വിക്രമിന്റെ ഓർമ്മകൾക്കും കാൽനൂറ്റാണ്ട് തികയുകയാണ്. കാർഗിലിൽ രാജ്യത്തിനായി രക്തസാക്ഷിത്വം വരിച്ച മകനെക്കുറിച്ചുള്ള അഭിമാനമാണ് ലഫ്. കേണൽ പി.കെ.പി.വി. പണിക്കരുടെ ഓരോ ശ്വാസത്തിലും. പണിക്കർ യു​ദ്ധ​ഭൂ​മി​യി​ലി​രി​ക്കെ 1973 ഒക്ടോബർ 24 നാണ് കോഴിക്കോട്ട് വിക്രമിന്റെ ജനനം. ഒരു വർഷം കഴിഞ്ഞാണ് വിക്രമിനെ ആദ്യമായി കാണുന്നത്. അതിനേക്കാളേറെ ദെെർഘ്യം തോന്നിയ സമയമായിരുന്നു കാർഗിൽ യുദ്ധകാലമെന്ന് അദ്ദേഹം ഓർക്കുന്നു.

1999 മേ​യ് ​നാ​ലി​നാ​ണ് ​വി​ക്രം​ ​അ​വ​സാ​ന​മാ​യി​ ​ വീട്ടിലെക്കു വി​ളി​ച്ച​ത്.​ ​യു​ദ്ധം​ ​ക​ടു​ത്തതിനാൽ ​ഫോ​ൺ​ ​ചെയ്യാൻ ​ ​ക​ഴി​യി​ല്ലെ​ന്നും​ ​മു​ന്നോ​ട്ടു ​പോ​വു​ക​യാ​ണെ​ന്നും ​പ​റ​ഞ്ഞു. പിന്നീട്​ ​യു​ദ്ധ​ത്തി​ന്റെ​ ​കാ​ഠി​ന്യം​ ​വി​വ​രി​ച്ച് ​ 27​ ന് ​ക​ത്തെ​ഴു​തി​. ​ജൂ​ൺ​ ​ര​ണ്ടി​ന് ​വി​ക്ര​മി​ന് ​പ​രി​ക്കു പ​റ്റിയെന്നും,​ അതിനുശേഷം​ ​ഷെ​ല്ലാ​ക്ര​മ​ണ​ത്തി​ൽ​ ​ വീരമൃത്യു വരിച്ചെന്നും അറിഞ്ഞു. ജൂ​ൺ​ ​ അഞ്ചിന് വിക്രമിന്റെ ഭൗ​തി​ക​ശ​രീ​രം​ ​കോ​ഴി​ക്കോട്ട് എത്തിച്ചു. ​ഭാര്യ കല്യാണി പണിക്കരോട് ഉ​ൾ​പ്പെ​ടെ​ ​ആ​രോ​ടും​ ​ഇ​ക്കാ​ര്യം​ ​പ​റ​ഞ്ഞിരുന്നി​ല്ല.​ ​ബം​ഗ​ളൂ​രു​വി​ൽ​ ​നി​ന്നു ​വ​രു​ന്ന​ ​വ​ഴി​ക്ക് ​ര​ണ്ടാ​മ​ത്തെ​ ​മ​ക​നെ​ ​എ​റ​ണാ​കു​ള​ത്തു നി​ന്ന് ​ഒ​പ്പം​ ​കൂ​ട്ടി. അ​തോ​ടെയാണ്​ ​എ​ല്ലാ​വ​ർ​ക്കും​ കാര്യങ്ങൾ ​വ്യ​ക്ത​മാ​യത്. വി​ക്ര​മി​ന്റെ​ ​മരണ​ശേ​ഷം​​ ​കാ​ർ​ഗി​ൽ​ ​യു​ദ്ധ​വി​ജ​യ​ത്തി​നാ​യുള്ള ​കാ​ത്തി​രി​പ്പ് ജൂലായ് 26 വരെ നീണ്ടുവെന്നും പി.കെ.പി.വി. പണിക്കർ ഓർമ്മിക്കുന്നു.

കോ​ഴി​ക്കോട്ടു ​ജ​നി​ച്ച്,​ ​പ​ഠിച്ച​ ​ ​വി​ക്രമിന് ​സൈ​ന്യ​ത്തി​ലേ​ക്ക് ​സെ​ല​ക്ഷ​ൻ​ ​കി​ട്ടു​ന്ന​തും​ ​കോഴിക്കോട് നിന്നാണ്​.​ ​സെ​ല​ക്ഷ​ൻ​ ​ന​ട​ന്ന​ ​വെ​സ്റ്റ്ഹി​ല്ലി​ലെ​ ​ മൈ​താ​ന​മാ​ണ് ​പി​ന്നീ​ട് ​ക്യാ​പ്ട​ൻ​ ​വി​ക്രം​ ​മൈ​താ​നി​യാ​യ​ത്.​ ​1965​ലെ​യും​ 71​ലെ​യും​ ​യു​ദ്ധ​മു​ഖ​ത്ത് ​പോ​രാ​ടി​യതിനെക്കാൾ ​ക്യാ​പ്ടൻ ​വി​ക്ര​മി​ന്റെ​ ​അ​ച്ഛ​നെ​ന്ന​ ​ആ​ദ​ര​വാ​ണ് ​ല​ഭി​ക്കു​ന്ന​തെന്ന് അദ്ദേഹം അഭിമാനത്തോടെ പറയുന്നു.

​കാർഗിൽ വിജയാഘോഷത്തിന്റെ ഭാഗമായി വിക്രമിന്റെ വിക്രമിന്റെ അമ്മ കല്യാണി പണിക്കർ സൈന്യത്തിന്റെ ക്ഷണമനുസരിച്ച് കാർഗിലിലേക്ക് പോയിട്ടുണ്ട്. യാത്ര ചെയ്യാൻ പ്രയാസമുള്ളതിനാൽ പി.കെ.പി.വി പണിക്കർ പോയിട്ടില്ല. വിക്രം പഠിച്ച കോഴിക്കോട് കേന്ദ്രീയ വിദ്യാലയത്തിൽ ഇന്നു നടക്കുന്ന ചടങ്ങിൽ വിദ്യാർത്ഥികളുമായി സംവദിക്കും. ഡോ.​ ​പി.​വി.​ ​കേ​ശ​വാണ് വിക്രമിന്റെ സ​ഹോ​ദ​ര​ൻ.