മേപ്പയ്യൂർ: മേപ്പയ്യൂർ ഗ്രാമപഞ്ചായത്തിൽ ലൈഫ് ഗുണഭോക്താക്കളുടെ സംഗമം നടന്നു. ഗ്രാമപഞ്ചായത്ത് പ്രസിഡന്റ് കെ.ടി. രാജൻ ഉദ്ഘാടനം ചെയ്തു. വൈസ് പ്രസിഡന്റ് എൻ.പി.ശോഭ അദ്ധ്യക്ഷത വഹിച്ചു. സ്റ്റാൻഡിംഗ് കമ്മിറ്റി ചെയർമാൻമാരായ വി.സുനിൽ, വി.പി. രമ, ഭാസ്കരൻ കൊഴുക്കല്ലൂർ, മെമ്പർ റാബിയ എടത്തിക്കണ്ടി,​ ബ്ലോക്ക് മെമ്പർമാരായ കെ.കെ.നിഷിത, അഷിത നടുക്കാട്ടിൽ ജൂനിയർ സൂപ്രണ്ട് വി.വി. പ്രവീൺ, വി.ഇ.ഒമാരായ ഐ. ഷൈജിത്ത്, വി.ബി. ഷിൻല, എന്നിവർ പ്രസംഗിച്ചു. ലൈഫ് പദ്ധതിയിൽ 159 പേരുടെ വീട് പൂർത്തികരിച്ചു. 2020ൽ 300 പേരാണ് അന്തിമ ഗുണഭോക്തൃ പട്ടികയിൽ ഉൾപ്പെട്ടിരുന്നത്. ഇതിൽ മുൻഗണനപ്രകാരം 91 പേർക്ക് ആനുകൂല്യം അനുവദിക്കുകയും ഭവന നിർമ്മാണം പൂർത്തികരിച്ചു വരികയുമാണെന്ന് പ്രസിഡന്റ് അറിയിച്ചു.