കോട്ടയം: ലഹരി വിരുദ്ധ വാരാചരണത്തോടനുബന്ധിച്ച് വനിതാ കലാസാഹിതി കോട്ടയം ജില്ലാ കമ്മിറ്റിയുടെ നേതൃത്വത്തിൽ ലഹരി വിരുദ്ധ ബോധവത്കരണ പരിപാടി നടത്തി.ചെങ്ങളം ഗവ.ഹയർസെക്കൻഡറി സ്‌കൂളിൽ നടന്ന പരിപാടിയിൽ ജില്ലാ പ്രസിഡന്റ് ജോളി തോമസ് അദ്ധ്യക്ഷത വച്ചു. ജില്ലാ സെക്രട്ടറി ശ്രീലത അജിത്ത്, എഴുത്തുകാരിയും ബ്ലോഗറുമായ ആർച്ച ആശ, യുവകലാസാഹിതി ജില്ലാട്രഷറർ ബി.അശോക്,
ഹെഡ്മാസ്റ്റർ ജിമ്മി ജോർജ്, സൈക്കോ സോഷ്യൽ കൗൺസിലർ റിനി പി. ഏലിയാസ് എന്നിവർ സംസാരിച്ചു.എക്‌സൈസ് പ്രിവറ്റന്റീവ് ഓഫീസർ ഇ.വി. ബിനോയ് ക്ലാസ് നയിച്ചു. വനിതാ കലാസാഹിതി സമാഹരിച്ച നോട്ടുബുക്കുകൾ ചടങ്ങിൽ സ്‌കൂളിന് കൈമാറി.