ഏറ്റുമാനൂർ : നിറുത്തിയിട്ടിരുന്ന ടോറസ് ലോറിയുടെ ബാറ്ററികൾ മോഷ്ടിച്ച കേസിൽ രണ്ടുപേർ പിടിയിൽ. തിരുവല്ല കൊട്ടൂർ ഭാഗത്ത് തൈക്കാട്ടിൽ വീട്ടിൽ വിശാൽ റാവത്ത് (20), പട്ടാമ്പി ഓങ്ങല്ലൂർ ഭാഗത്ത് മുസ്ലിം വീട്ടിൽ കുഞ്ഞുമൊയ്തു (41) എന്നിവരെയാണ് ഏറ്റുമാനൂർ പൊലീസ് അറസ്റ്റ് ചെയ്തത്. കഴിഞ്ഞദിവസം പുലർച്ചെ 2.30 ഓടെ ഏറ്റുമാനൂർ പാറക്കണ്ടം ഭാഗത്താണ് സംഭവം. വിശാൽ റാവത്ത് മോഷ്ടിച്ച ബാറ്ററികൾ പായിപ്പാട് ആക്രിക്കട നടത്തുന്ന കുഞ്ഞുമൊയ്തുവിന് വിൽക്കുകയും, ഇയാൾ ഇത് തമിഴ്നാട്ടിലേക്ക് കടത്തുകയുമായിരുന്നു. ഏറ്റുമാനൂർ എസ്.എച്ച്.ഒ ഷോജോ വർഗീസ്, എസ്.ഐ ജയപ്രകാശ്, എ.എസ്.ഐ സജി,സി.പി.ഒമാരായ പ്രീതിജ്,അനീഷ് വി.കെ,ഡെന്നി, സെയ്ഫുദ്ദീൻ എന്നിവർ ചേർന്നാണ് ഇവരെ അറസ്റ്റ് ചെയ്തത്. റിമാൻഡ് ചെയ്തു.