മുതലക്കോടം : ജയ് ഹിന്ദ് ലൈബ്രറിയുടെ നേതൃത്വത്തിൽ വായനാപക്ഷാചരണ പരിപാടികളുടെ സമാപനം ലൈബ്രറി പ്രസിഡൻ്റ് കെ.സി.സുരേന്ദ്രൻ ഉദ്ഘാടനം ചെയ്തു. ഐ.വി.ദാസ് അനുസ്മരണത്തിൽ കെ.എം.രാജൻ അദ്ധ്യക്ഷത വഹിച്ചു. പി. വി.സജീവ്,ജോസ് തോമസ് എന്നിവർ അനുസ്മരണ പ്രഭാഷണം നടത്തി. എം.എസ്.സണ്ണി സ്വാഗതവും പി.എം ചാക്കോ നന്ദിയും പറഞ്ഞു. പുസ്തക ചർച്ച താലൂക്ക് ലൈബ്രറി കൗൺസിൽ പ്രസിഡൻ്റ് ജോർജ്ജ് അഗസ്റ്റ്യൻ ഉദ്ഘാടനം ചെയ്തു. എസ്. വൈശാഖൻ,സനീഷ് ജേക്കബ്, ലിജിമോൾ, അനിതാ ഓമനകുട്ടൻ എന്നിവർ നയിച്ച പാട്ടുപുര സംഗീതപരിപാടി, ലഹരിവിരുദ്ധ സെമിനാർ, പൊൻകുന്നം വർക്കി അനുസ്മരണം എന്നിവ നടന്നു.