പാലാ: കോട്ടയം ജില്ല ഹയർ സെക്കൻഡറി പൊളിറ്റിക്കൽ സയൻസ് ഫോറം സംഘടിപ്പിക്കുന്ന പൊളിറ്റിക്കൽ സയൻസ് എക്‌സലൻസ് അവാർഡ് വിതരണം ഇന്ന് രാവിലെ 10ന് പാലാ മഹാത്മാഗാന്ധി ഗവ.ഹയർ സെക്കൻഡറി സ്‌കൂളിൽ നടത്തും.

മാണി സി.കാപ്പൻ എം.എൽ.എ അദ്ധ്യക്ഷത വഹിക്കുന്ന സമ്മേളനം മന്ത്രി റോഷി അഗസ്റ്റിൻ ഉദ്ഘാടനം ചെയ്യും. ജില്ലയിലെ അമ്പതിൽപരം സ്‌കൂളുകളിൽ നിന്നുമുള്ള 115 കുട്ടികൾക്ക് എക്‌സലൻസ് അവാർഡ് വിതരണം ചെയ്യും. മുനിസിപ്പൽ കൗൺസിലർ ബിജി ജോജോ, പാലാ സെന്റ് തോമസ് കോളേജ് പൊളിറ്റിക്കൽ സയൻസ് അസി. പ്രൊഫസർ തോമസുകുട്ടി എബ്രഹാം, പ്ലാശനാൽ സെന്റ് ആന്റണീസ് ഹയർ സെക്കൻഡറി സ്‌കൂൾ പ്രിൻസിപ്പൽ ജോബിച്ചൻ ജോസഫ്, ജനറൽ കൺവീനർ ബൈജു ജേക്കബ്, സംഘാടകസമിതി അംഗങ്ങളായ ബിജു കുര്യൻ, കവിത വി.ആർ തുടങ്ങിയവർ പ്രസംഗിക്കും.രാവിലെ 9.30ന് പൊളിറ്റിക്കൽ സയൻസ് കരിയർ സാധ്യതകളെക്കുറിച്ച് റെജി തോമസ് ക്ലാസ് നയിക്കും.