കുമരകം : കുമരകം കണ്ണാടിച്ചാലിൽ ഒന്നാം കലുങ്കിന് സമീപം കാർ പാടത്തേക്ക് മറിഞ്ഞ് അപകടം. ആലപ്പുഴയിൽ നിന്നും കോട്ടയത്തേക്ക് പോവുകയായിരുന്ന ദമ്പതികൾ സഞ്ചരിച്ച വാഹനമാണ് അപകടത്തിൽപ്പെട്ടത്. ഡ്രൈവർ ഉറങ്ങിപോയതാണ് അപകടകാരണം. റോഡരികിലെ വൈദ്യുതി പോസ്റ്റിൽ ഇടിച്ചു നിയന്ത്രണം നഷ്ടപ്പെട്ട കാർ പാടത്തേക്ക് മറിയുകയായിരുന്നു. യാത്രക്കാർക്ക് പരിക്കേൽക്കാതെ രക്ഷപ്പെട്ടു. ഇടിയുടെ ആഘാതത്തിൽ വൈദ്യുതി പോസ്റ്റ് ഒടിഞ്ഞുവീണു.