കോട്ടയം : വീടുകളിൽ ഒറ്റപ്പെട്ടുപോയ വയോജനങ്ങൾക്കായി ക്ഷേമപദ്ധതികൾ നടപ്പാക്കുമെന്ന് ജില്ലാ കളക്ടർ ജോൺ വി. സാമുവൽ. ജില്ലയുടെ 49-ാമത് കളക്ടറായി ചുമതലയേറ്റശേഷം സംസാരിക്കുകയായിരുന്നു അദ്ദേഹം. മക്കളും ബന്ധുക്കളും വിദേശത്തായതിനാൽ വീടുകളിൽ ഒറ്റയ്ക്കായി പോകുന്ന വയോജനങ്ങളുടെ എണ്ണം കൂടുതലാണ്. ഇവർക്ക് വിനോദത്തിനും സാന്ത്വനചികിത്സയ്ക്കും സന്നദ്ധ സംഘടനകളുമായി ചേർന്നുള്ള പദ്ധതികൾ ഒരുക്കും. വിനോദസഞ്ചാര വികസനപദ്ധതികളുമായി ബന്ധപ്പെട്ടും, തെറ്റായ ശീലങ്ങളിൽ നിന്ന് യുവാക്കളെ മോചിപ്പിക്കുന്നതിനുമുള്ള പദ്ധതികളും നടപ്പാക്കുമെന്നും അദ്ദേഹം പറഞ്ഞു.