പാലാ : യാത്രയ്ക്കിടയിൽ ബസിനുള്ളിൽ വച്ച് യുവതിയെ കടന്നുപിടിച്ച പാലക്കാട് കള്ളമല പടിക്കവീട്ടിൽ ദീപു (38) നെ പാലാ പൊലീസ് അറസ്റ്റ് ചെയ്തു. ഇന്നലെ രാവിലെ കോട്ടയത്ത് നിന്ന് പാലായ്ക്ക് വന്ന കെ.എസ്.ആർ.ടി.സി ബസിലാണ് സംഭവം. യുവതിയുടെ സീറ്റിന് സമീപത്ത് വന്നിരുന്നാണ് ഇയാൾ അതിക്രമം നടത്തിയത്. യുവതിയുടെ പരാതിയെ തുടർന്ന് എസ്.ഐ ബിനു, സി.പി.ഒമാരായ രഞ്ജിത്ത്, ശ്രീജേഷ് എന്നിവർ ചേർന്നാണ് പ്രതിയെ പിടികൂടിയത്. കോടതിയിൽ ഹാജരാക്കി റിമാൻഡ് ചെയ്തു.