ചെറുവള്ളി: മണിമലയാറ്റിലെ പഴയിടം പാലത്തിന് സമീപം പാഴ് വസ്തുക്കൾ അടിഞ്ഞുതുടങ്ങി.മാലിന്യം വന്ന് പാലം മൂടിയാലും അധികാരികൾ അനങ്ങാറില്ല. ചിറക്കടവ്, മണിമല, എരുമേലി പഞ്ചായത്തുകളുടെ പരിധിയിൽ വരുന്ന പ്രദേശമായതിനാൽ മാലിന്യപ്രശ്നം ആരും പരിഗണിക്കുന്നില്ല.
കിഴക്കൻമേഖലയിൽ നിന്ന് മണിമലയാറ്റിൽ ജലപ്രവാഹമേറിയതോടെയാണ് മാലിന്യമത്രയും ഒഴുകിയെത്തിയത്. പ്ലാസ്റ്റിക് മാലിന്യവും മരങ്ങളുടെ ചില്ലകളും ഉൾപ്പെടെയുള്ളവയാണ് പാലത്തിന് സമീപം തങ്ങിനിൽക്കുന്നത്. പാലത്തിൽ ഇവ തങ്ങിനിൽക്കുന്നതുമൂലം വെള്ളമൊഴുക്ക് പാലത്തിന് മുകളിലൂടെയാകും. ഇതോടെ കൈവരികൾ തകരുന്നത് പതിവാണ്.