തൊടുപുഴ: ലയൺസ് ക്ലബ് ഓഫ് തൊടുപുഴ ഈസ്റ്റ് ഭാരവാഹികളുടെ സ്ഥാനാരോഹണവും സർവീസ് പ്രൊജക്ടുകളുടെ ഉദ്ഘാടനവും ഗാട്ട് ഏരിയ ലീഡർ അഡ്വ. എ വി.വാമൻകുമാർ ഉദ്ഘാടനം ചെയ്തു. മുൻ സോൺ ചെയർപേഴ്‌സൺ പി. വി. ഷാജു അദ്ധ്യക്ഷത വഹിച്ചു. ചീഫ് പ്രോഗ്രാം കോർഡിനേറ്റർ പ്രൊഫ. സാംസൺ തോമസ് പുതിയ മെമ്പർമാർക്ക് സത്യവാചകം ചൊല്ലിക്കൊടുത്തു. കരിയർ മാപ്പിങ്ങിന്റെ ഉദ്ഘാടനം ഡിസ്ട്രിക്ട് സെക്രട്ടറി മനോജ് ഗോവിന്ദ് നിർവഹിച്ചു. റീജിയണൽ ചെയർമാൻ ജെയ്‌സ് ജോൺ, സോൺ ചെയർമാൻ ഷൈജൻ സ്റ്റീഫൻ,മുൻ റീജിയണൽ ചെയർമാൻ നോബി സുദർശൻ, എമി തെരേസ സുബിൻ, ഇർഷാ കെ ശങ്കർ, ബിബിൻ ജോസഫ്, ഗൗതം കൃഷ്ണ തുടങ്ങിയവർ പ്രസംഗിച്ചു.