ധ്യാൻ ശ്രീനിവാസൻ, കലാഭവൻ ഷാജോൺ എന്നിവരെ പ്രധാന കഥാപാത്രങ്ങളാക്കി നവാഗതനായ നവീൻ ജോൺ സംവിധാനം ചെയ്യുന്ന പാർട്നേഴ്സ് ഇന്ന് റിലീസ് ചെയ്യും.1989ൽ കാസർകോട് - കർണാടക അതിർത്തി ഗ്രാമത്തിൽ നടന്ന ഒരു യഥാർത്ഥ സംഭവത്തെ ആസ്‍പദമാക്കിയാണ് ത്രില്ലർ ഗണത്തിൽപ്പെടുന്ന ചിത്രം ഒരുങ്ങുന്നത്.പിച്ചെെക്കാരൻ' എന്ന തമിഴ് ചിത്രത്തിലൂടെ രംഗത്തെത്തിയ സാറ്റ്‌ന ടൈറ്റസ് ആണ് നായിക. സഞ്ജു ശിവറാം, അനീഷ് ഗോപാൽ, ദിനേശ് കൊല്ലപ്പള്ളി, ഹരീഷ് പേരടി, ശ്രീകാന്ത് മുരളി, രാജേഷ് ശർമ്മ, ഡോ. റോണി, നീരജ ശിവദാസ്, ദേവിക രാജേന്ദ്രൻ, വൈഷ്ണവി, തെലുങ്ക് താരം മധുസൂദന റാവു എന്നിവരും പ്രധാന വേഷത്തിൽ എത്തുന്നു.തിരക്കഥ ഹരിപ്രസാദ്, പ്രശാന്ത് കെ. വി, നവീൻ ജോൺ .ഛായാഗ്രഹണം ഫൈസൽ അലി. എഡിറ്റിംഗ്: സുനിൽ എസ് പിള്ള. ബി .കെ ഹരിനാരായണന്റെ വരികൾക്ക് പ്രകാശ് അലക്സ് സംഗീതം പകരുന്നു.കൊല്ലപ്പള്ളി ഫിലിംസിന്റെ ബാനറിൽ ദിനേശ് കൊല്ലപ്പള്ളിയാണ് നിർമ്മാണം. പി.ആർ. ഒ പി. ശിവപ്രസാദ്.

'