നമ്മുടെ വീടിന്റെ വാസ്തു നിർണ്ണയിയ്ക്കുന്നതിൽ കണ്ണാടികൾക്കും ഒരു പ്രധാന സ്ഥാനമുണ്ടെന്ന് കാര്യം നമ്മളിൽ പലർക്കും അറിയില്ല. എന്നാൽ ഇതാണ് സത്യം. വീടിനുള്ളിലെ കണ്ണാടിയുടെ സ്ഥാനം വളരെ പ്രാധാന്യം അർഹിക്കുന്നതാണ്. കാരണം വീടിനുള്ളിലെ ഊർജ്ജം നിലനിർത്താനും ഇല്ലാതാക്കാനും കണ്ണാടികൾക്ക് സാധിക്കുന്നു. അതിനാൽ തന്നെ വീടിനുള്ളിൽ പോസിറ്റീവ് എനർജി കടന്ന് വരുന്നത് കണ്ണാടിയുടെ സ്ഥാനത്തെ ആശ്രയിച്ചിരിക്കുന്നു. അതിനാൽ തന്നെ കണ്ണാടി എവിടെയെല്ലാം സ്ഥാപിക്കാം എന്ന് നോക്കാം.
ഒരിക്കലും നിങ്ങളുടെ കിടക്ക പ്രതിഫലിക്കുന്ന രീതിയിൽ കണ്ണാടി വെയ്ക്കരുത്‌. ഇത്‌ നെഗറ്റീവ്‌ എനർജിക്കും രോഗങ്ങൾക്കും കാരണമാകുന്നു.
വീടിന്റെ പ്രധാന വാതിൽ പ്രതിഫലിക്കുന്ന രീതിയിലും കണ്ണാടി വെയ്ക്കരുത്‌. നെഗറ്റീവ്‌ എനർജിക്ക്‌ കാരണമായേക്കാവുന്ന വസ്തുക്കൾക്ക് അഭിമുഖമായി മാത്രം കണ്ണാടി വെയ്ക്കുക.
ലോക്കറിന്‌ മുന്നിൽ കണ്ണാടി വെയ്ക്കാവുന്നതാണ്‌. ഇത്‌ സമ്പദ്‌ സമൃദ്ധി കൊണ്ടുവരും.
ചെറിയ ഇടനാഴികളിൽ കണ്ണാടികൾ വെയ്ക്കരുത്‌. ഇത്‌ നെഗറ്റീവ്‌ എനർജിക്ക്‌ കാരണമാകും. ഇടനാഴികളിലെ കണ്ണാടി നെഗറ്റീവ്‌ എനർജിയും ഇടുങ്ങിയ സ്ഥലങ്ങളോടുള്ള ഭയവും മാത്രമാകും പ്രതിഫലിപ്പിക്കുന്നത്‌. അതിനാൽ ഇത്തരം സ്ഥലങ്ങളിൽ കണ്ണാടി ഒഴിവാക്കുക.
നല്ല കാഴ്‌ചകളും പോസിറ്റീവ് എനർജിയും പ്രതിഫിലിപ്പിക്കാൻ കഴിയുന്ന സ്ഥലങ്ങളിൽ കണ്ണാടി ഉറപ്പാക്കുകയും വേണം.
കുളിമുറിയിൽ കണ്ണാടി വടക്ക്‌ വശത്തോ കിഴക്ക്‌ വശത്തോ വെയ്ക്കുക. വീടിന്‌ നടുക്ക്‌ ഭിത്തിയുണ്ടെങ്കിൽ അതിൽ ഒരു കണ്ണാടി വെയ്ക്കുക. ഇതിലൂടെ വീടിന്റെ ഭാഗങ്ങൾ തമ്മിൽ ബന്ധിപ്പിക്കാൻ കഴിയും.
ഒരു കണ്ണാടിക്ക്‌ അഭിമുഖമായി മറ്റൊന്ന്‌ വെയ്ക്കരുത്‌. ഇത്‌ അസ്വസ്ഥതകൾക്ക് കാരണമാകുന്നു. കുളിമുറിയിൽ അല്ലാതെ മറ്റൊരിടത്തും വടക്ക്‌ വശത്തോ കിഴക്ക്‌ വശത്തോ കണ്ണാടി വെയ്ക്കരുത്‌.
പ്രധാന ഗേറ്റിന്‌ അഭിമുഖമായും കണ്ണാടി വെയ്ക്കരുത്‌. കണ്ണാടി സ്ഥാപിക്കുമ്പോൾ ഇത്തരം കാര്യങ്ങൾ ശ്രദ്ധിച്ചാൽ വീട്ടിൽ പോസിറ്റീവ് എനർജി നിലനിർത്താൻ കഴിയും.