കൊല്ലം: ബാങ്ക് എംപ്ലോയീസ് ഫെഡറേഷൻ ഒഫ് ഇന്ത്യ (ബെഫി) സംസ്ഥാന കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച മേഖലാ ട്രേഡ് യൂണിയൻ ക്യാമ്പ് സമാപിച്ചു. ചിന്നക്കട കേരള ബാങ്ക് മിനി ഓഡിറ്റോറിയത്തിൽ നടന്ന സമ്മേളനം ബെഫി ദേശീയ ജോ. സെക്രട്ടറി പി.എച്ച്.വിനീത ഉദ്ഘാടനം ചെയ്തു. ബെഫി ജില്ലാ പ്രസിഡന്റ് എം.വേണുഗോപാൽ അദ്ധ്യക്ഷനായി. ബെഫി സംസ്ഥാന ജനറൽ സെക്രട്ടറി എൻ.സനിൽ ബാബു വിഷയാവതരണം നടത്തി. ബെഫി സംസ്ഥാന വൈസ് പ്രസിഡന്റുമാരായ കെ.ഹരികുമാർ, ജി.സതീഷ്, ജോ.സെക്രട്ടറി എസ്.ബി.എസ്.പ്രശാന്ത് ഉൾപ്പെടെ വിവിധ നേതാക്കൾ പങ്കെടുത്തു. ബെഫി ആലപ്പുഴ ജില്ലാ സെക്രട്ടറി പി.എം.പ്രമോദ് സ്വാഗതവും ബെഫി തിരുവനന്തപുരം ജില്ലാ സെക്രട്ടറി എൻ.നിഷാന്ത് നന്ദിയും പറഞ്ഞു. ട്രേഡ് യൂണിയൻ ക്യാമ്പിൽ തിരുവനന്തപുരം, കൊല്ലം, ആലപ്പുഴ ജില്ലയിലെ പ്രവർത്തകർ പങ്കെടുത്തു. പൊതുമേഖലാ ബാങ്ക് സ്വകാര്യവത്കരണത്തെ പൊതുജനങ്ങളെ അണിനിരത്തി പ്രതിരോധിക്കുക എന്ന സന്ദേശം ഉയർത്തിയാണ് ക്യാമ്പ് സംഘടിപ്പിച്ചത്.