സൂറിച്ച് : ഇക്കഴിഞ്ഞ യൂറോ കപ്പിലെ മികച്ച താരങ്ങളെ ഉൾപ്പെടുത്തി യൂറോപ്യൻ ഫുട്ബാൾ അസോസിയേഷൻ പ്രഖ്യാപിച്ച യൂറോപ്യൻ ഡ്രീം ഇലവനിൽ ചാമ്പ്യന്മാരായ സ്പെയ്ൻ ടീമിൽ നിന്ന് ആറ് താരങ്ങൾ ഇടം പിടിച്ചു. 17കാരനായ സൂപ്പർ മിഡ്ഫീൽഡർ ലാമിൻ യമാൽ, റൊഡ്രി, ഫൈനലിൽ ആദ്യ ഗോളടിച്ച നിക്കോ വില്യംസ്,മാർക്ക് കുക്കെറെല്ല,ഡാനി ഓൾമോ ഫാബിയൻ റൂയിസ് എന്നിവരാണ് ഇലവനിലെത്തിയ സ്പാനിഷ് താരങ്ങൾ. ഫൈനലിൽ കളിച്ച ഇംഗ്ളണ്ട് ടീമിൽ നിന്ന് കൈൽ വാക്കർ മാത്രമാണ് ഉൾപ്പെട്ടത്. ഫ്രഞ്ച് ടീമിൽ നിന്ന് ഗോൾ കീപ്പർ മൈക്ക് മൈഗ്നാനും ഡിഫൻഡർ വില്യം സാലിബയും ഉൾപ്പെട്ടു. സ്വിറ്റ്സർലാൻഡിൽ നിന്ന് മാനുവേൽ അകാൻജി, ജർമ്മനിയിൽ നിന്ന് ജമാൽ മുസൈല എന്നിവരും ഇലവനിലുണ്ട്.

യുവേഫ യൂറോ ഇലവൻ

മൈക്ക് മൈഗ്‌നാൻ,വില്യം സാലിബ,കൈൽ വാക്കർ,മാനുവേൽ അകാൻജി,മാർക്ക് കുക്കെറെല്ല, ലാമിൻ യമാൽ, റൊഡ്രി, നിക്കോ വില്യംസ്, ഡാനി ഓൾമോ, ഫാബിയൻ റൂയിസ് , ജമാൽ മുസൈല