പൂ​നെ​:​ ​വി​​​വാ​​​ദ​​​ ​ഐ.​​​എ.​​​എ​​​സ്​​ ​ഉ​ദ്യോ​ഗ​സ്ഥ​ ​പൂ​​​ജ​ ​ഖേ​​​ദ്​​​​ക​​​റി​ന്റെ​ ​ ​മെഡിക്കൽ സ​ർ​ട്ടി​ഫി​ക്ക​റ്റി​ൽ​ ​അ​പാ​ക​ത​യി​ല്ലെ​ന്ന് ​പൂ​നെ​ ​ആ​ശു​പ​ത്രി.​ ​ഏ​ഴ് ​ശ​ത​മാ​നം​ ​ഭിന്നശേഷിയുണ്ട​ന്ന് ​കാ​ണി​ച്ച് ​പൂ​​​ജ​യ്ക്ക് ​ന​ൽ​കി​യ​ ​ലോ​ക്കോ​മോ​ട്ട​ർ​ ​ഡി​സെ​ബി​ലി​റ്റി​ ​സ​ർ​ട്ടി​ഫി​ക്ക​റ്റി​ൽ​ ​പി​ഴ​വി​ല്ലെ​ന്ന് ​യ​ശ്വ​ന്ത്‌​റാ​വു​ ​ച​വാ​ൻ​ ​മെ​മ്മോ​റി​യ​ൽ​ ​(​വൈ.​സി.​എം​)​ ​ആ​ശു​പ​ത്രി​ ​അ​ധി​കൃ​ത​ർ​ ​വ്യ​ക്ത​മാ​ക്കി.​ ​ആ​ഭ്യ​ന്ത​ര​ ​അ​ന്വേ​ഷ​ണ​ത്തി​ൽ​ ​ഇ​ത് ​സ്ഥി​രീ​ക​രി​ച്ച​താ​യും​ ​അ​ധി​കൃ​ത​ർ​ ​അ​റി​യി​ച്ചു.

ഫിസിയോതെറാപ്പി, ഓർത്തോപീഡിക് വകുപ്പുകളുടെ നിഗമനങ്ങളിലും നിയമപ്രകാരമുള്ള ആരോഗ്യ പരിശോധനയിലും പിഴവില്ലെന്ന് ആശുപത്രി ഡീൻ ഡോ. രാജേന്ദ്ര വേബിൾ വ്യക്തമാക്കി. വിദ്യാഭ്യാസത്തിലോ ജോലിക്കോ യാതൊരുവിധ ആനുകൂല്യങ്ങളും സർട്ടിഫിക്കറ്റ് വഴി ലഭിക്കില്ലെന്ന് വ്യക്തമാക്കിയിരുന്നു. പൂജയുടെ വിലാസം പരിശോധിക്കുന്നത് ആശുപത്രിയുടെ ഓഫീസിന്റെ കീഴിൽ വരുന്നതല്ല.

വി​വാ​ദ​ത്തി​ന്​ പി​ന്നാ​ലെ പൂ​ജയുടെ പ​രി​ശീ​ല​നം ത​ട​ഞ്ഞ മ​സൂ​റി​യി​ലെ ലാ​ൽ ബ​ഹാ​ദൂ​ർ ശാ​സ്ത്രി നാ​ഷ​ന​ൽ അ​ക്കാഡ​മി മ​ട​ങ്ങി​യെ​ത്താ​ൻ ആ​വ​ശ്യ​പ്പെ​ട്ടിട്ടും പൂജ ഹാജരായില്ല. വ്യാ​ജ സ​ർ​ട്ടി​ഫി​ക്ക​റ്റ്​ വി​വാ​ദ​ത്തെ തു​ട​ർ​ന്ന്​ യു.​പി.​എ​സ്. സി​യു​ടെ പ​രാ​തി​യി​ൽ പൊ​ലീ​സ്​ അ​ന്വേ​ഷണം നടത്തിവരികയാണ്.

​