ബംഗളൂരു: ഗാർഡൻ സിറ്റി യൂണിവേഴ്സിറ്റി കാമ്പസിൽ നടന്ന ആറാമത് ബിരുദദാന ചടങ്ങ് കർണാടക ഗവർണർ തവർ ചന്ദ് ഗെലോട്ടും ഗാർഡൻ സിറ്റി യൂണിവേഴ്സിറ്റി ചാൻസലർ ഡോ. ജോസഫ് വി.ജിയും ചേർന്ന് ഉദ്ഘാടനം ചെയ്തു. പരീക്ഷാ കൺട്രോളർ, മേസ് ബെയററിന്റെ നേതൃത്വത്തിൽ, സർവകലാശാലയിലെ ഉദ്യോഗസ്ഥരുടെ സാന്നിദ്ധ്യത്തിൽ ഘോഷയാത്രയോടെയാണ് ചടങ്ങ് ആരംഭിച്ചത്. ഗവർണർ ബിരുദധാരികളെ അഭിനന്ദിക്കുകയും അക്കാദമിക് മികവ്, നവീകരണം, കമ്മ്യൂണിറ്റി സേവനം എന്നിവയ്ക്കുള്ള സർവകലാശാലയുടെ പ്രതിബദ്ധത ഉയർത്തിക്കാട്ടുകയും ചെയ്തു. സർവകലാശാലയുടെ വിവിധ പ്രോഗ്രാമുകൾ പൂർത്തിയാക്കിയ ആയിരത്തിലധികം ബിരുദധാരികൾക്ക് ഡോക്ടർ ഓഫ് ഫിലോസഫി, മാസ്റ്റർ ഡിഗ്രികൾ, ബാച്ചിലർ ഡിഗ്രികൾ എന്നിവ വിതരണം ചെയ്തു. ബിരുദധാരികൾക്ക് നൽകിയ എല്ലാ ഡിഗ്രി സർട്ടിഫിക്കറ്റുകളും ഉയർന്ന നിലവാരത്തിലുള്ള ബ്ലോക്‌ചെയിൻ സാങ്കേതികവിദ്യ ഉപയോഗിച്ച് തയ്യാറാക്കിയതാണ്.