തൃപ്രയാർ : ശ്രീരാമ പോളിടെക്‌നിക്കിന് സമീപം ടി.എസ്.ജി.എ സ്റ്റേഡിയത്തിലേക്കുള്ള വഴിയിൽ 50 സെന്റീമീറ്റർ ഉയരം വരുന്ന കഞ്ചാവ് ചെടി കണ്ടെത്തി. മറ്റു ചെടികൾക്കിടയിൽ വഴിയോരത്ത് തന്നെയാണ് കഞ്ചാവ് ചെടിയും വളർന്ന് നിന്നിരുന്നത്. എക്‌സൈസ് വാടാനപ്പള്ളി റേഞ്ച് ഇൻസ്‌പെക്ടർക്ക് ലഭിച്ച വിവരത്തെ തുടർന്ന് ഇൻസ്‌പെക്ടർ വി.ജി. സുനിൽകുമാർ, ഓഫീസർമാരായ പി.കെ. സുധീരൻ, കെ.ആർ. ഹരിദാസ്, എം.ആർ. മധു, ഡ്രൈവർ രാജേഷ് എന്നിവർ സ്ഥലത്തെത്തി കഞ്ചാവ് ചെടി പറിച്ചെടുത്തു. കഞ്ചാവ് ഉപയോഗിച്ചവർ ഉപേക്ഷിച്ച് പോയതിനെ തുടർന്നാകാം ചെടി മുളച്ചതെന്ന് കരുതുന്നു. എക്‌സൈസിന്റെ നേതൃത്വത്തിൽ എം.ഡി.എം.എ ഉൾപ്പെടെയുള്ള സിന്തറ്റിക് മരുന്നുകൾ കഴിഞ്ഞ ദിവസം പിടികൂടിയിരുന്നു.
കാപ്ഷൻ..............
തൃപ്രയാർ ടി.എസ്.ജി.എ സ്റ്റേഡിയത്തിന് സമീപം കണ്ടെത്തിയ കഞ്ചാവ് ചെടി.