വീടുകളിൽ ഒരിക്കലും ഒഴിവാക്കാൻ പറ്റാത്ത സാധനമാണ് ടോയ്‌ലറ്റ്, ഫ്ളോർ ക്ളീനറുകൾ. വീട്ടിലെ തറയും ടോയ്‌ലറ്റ് ഫ്ളോറും ക്ളോസറ്റും ആഴ്‌ചയിൽ ഒരിക്കലെങ്കിലും വൃത്തിയാക്കിയില്ലെങ്കിൽ പലവിധ രോഗങ്ങൾ പിടിപെടുമെന്ന് മാത്രമല്ല, മഞ്ഞക്കറയുണ്ടാവുകയും ചെയ്യും. അതിനാൽ തന്നെ കുട്ടികളും പ്രായമായവരും ഉള്ള വീടാണെങ്കിൽ ഇത്തരം ഇടങ്ങൾ വൃത്തിയായി സൂക്ഷിക്കേണ്ടത് വളരെ പ്രധാനമാണ്.
ഇന്ന് ഒരു ലോക്കൽ ടോയ്‌ലറ്റ്, ഫ്ളോർ ക്ളീനർ വാങ്ങണമെങ്കിൽതന്നെ കുറഞ്ഞത് അൻപത് രൂപയെങ്കിലും മുടക്കേണ്ടിവരും. ഇത് രണ്ടോ മൂന്നോ ഉപയോഗത്തിൽ തീരുകയും ചെയ്യും. അതിനാൽതന്നെ മിക്കവരും വലിയ ബോട്ടിലുകളായിരിക്കും വാങ്ങുന്നത്. ഇത്തരം ഉത്‌പന്നങ്ങൾ വാങ്ങാൻ മാസാമാസം നല്ലൊരു തുകയായിരിക്കും ചെലവാകുന്നത്. എന്നാൽ ടോയ്‌ലറ്റ് ക്ളീനറായി ഉപയോഗിക്കാവുന്ന ഒരു മിശ്രിതം വെറും 10 രൂപയ്ക്ക് തയ്യാറാക്കാൻ പറ്റിയാലോ?
ഇതിനായി ആദ്യം ഒരു പാത്രത്തിലേയ്ക്ക് രണ്ട് ടേബിൾ സ്‌പൂൺ സോപ്പുപൊടി, രണ്ട് ടേബിൾ സ്‌പൂൺ വിനാഗിരി, രണ്ട് സ്‌പൂൺ ഉജാല, കുറച്ച് വെള്ളം എന്നിവയെടുത്ത് നല്ലപോലെ മിക്‌സ് ചെയ്യുക. ഈ മിശ്രിതം ക്ളോസറ്റ്, വാഷ് ബേസിൻ, ടോയ്‌ലറ്റ് ഫ്ളോർ, വീട്ടിലെ ടൈൽസ് എന്നിവയിൽ അൽപം ഒഴിച്ച് കഴുകികാം. മഞ്ഞക്കറ പൂർണമായി മാറുകയും തറ വെട്ടിത്തിളങ്ങുകയും ചെയ്യും. ഈ മിശ്രിതം ഉപയോഗിച്ച് സ്റ്റീൽ പാത്രങ്ങളിലെ കറ കളയുകയും ചെയ്യാം.