പൊന്നാനി: പൊന്നാനി നഗരസഭ 2023-24 വാർഷിക പദ്ധതി പ്രകാരം പട്ടികജാതി വിഭാഗത്തിൽ പെട്ട ഡിഗ്രി, പിജി, ഡിപ്ലോമ വിദ്യാർത്ഥികൾക്ക് ലാപ് ടോപ്പുകൾ വിതരണം ചെയ്തു. പട്ടികജാതി വിഭാഗത്തിലെ വിദ്യാർത്ഥികളുടെ വിദ്യാഭ്യാസ ശാക്തീകരണ പ്രവർത്തനങ്ങളുടെ ഭാഗമായാണ് ലാപ്ടോപ്പുകൾ നൽകിയത്. പട്ടികജാതി വിഭാഗത്തിലെ 36 കുട്ടികൾക്ക് 14,23,000 രൂപ ചെലവഴിച്ചാണ് ലാപ്ടോപ്പുകൾ വിതരണം ചെയ്തത്. ലാപ് ടോപ്പ് വിതരണം പൊന്നാനി നഗരസഭ ചെയർമാൻ ശിവദാസ് ആറ്റുപുറം ഉദ്ഘാടനം ചെയ്തു. ബിന്ദു സിദ്ധാർത്ഥൻ അദ്ധ്യക്ഷത വഹിച്ചു.