പൊന്നാനി : പൊന്നാനി നഗരസഭ കുണ്ടുകടവ് ജംഗ്ഷനിലെ അനധികൃത കച്ചവടങ്ങൾ നീക്കം ചെയ്തു. ഗതാഗതത്തിനും കാൽനടയ്ക്കും തടസം സൃഷ്ടിച്ചാണ് അനധികൃത കച്ചവടം നടന്നിരുന്നത്. സ്വമേധയാ നീക്കം ചെയ്യാൻ നഗരസഭ നിർദ്ദേശം നൽകിയിരുന്നെങ്കിലും പാലിക്കപ്പെട്ടില്ല. തുടർന്നാണ് നഗരസഭ സെക്രട്ടറിയുടെ നേതൃത്വത്തിലുള്ള സംഘമെത്തി ഒഴിപ്പിച്ചത്. മത്സ്യക്കച്ചവടം അടക്കമുള്ളവയുടെ മലിനജലവും മറ്റു മാലിന്യങ്ങളും നിക്ഷേപിക്കപ്പെട്ടിരുന്ന പരിസരം മലിനമാക്കുകയും പാരിസ്ഥിതിക ആരോഗ്യ പ്രശ്നങ്ങൾ സൃഷ്ടിക്കുന്ന തരത്തിലായിരുന്നു പ്രസ്തുത കച്ചവടങ്ങൾ. പ്രസ്തുത സ്ഥലത്ത് തുടർന്നും നഗരസഭയുടെ നേതൃത്വത്തിൽ പരിശോധനകളും നടപടികളും ഉണ്ടാവുമെന്നും കുറ്റക്കാർക്കെതിരെ കർശന നിയമനടപടികൾ സ്വീകരിക്കുമെന്നും നഗരസഭാ സെക്രട്ടറി അറിയിച്ചു. പരിശോധനയിൽ നഗരസഭാ സെക്രട്ടറിക്കൊപ്പം നഗരസഭ ക്ലീൻ സിറ്റി മാനേജർ, പബ്ലിക് ഹെൽത്ത് ഇൻസ്‌പെക്ടർമാർ, നഗരസഭ എൻജിനീയറിങ് ഉദ്യോഗസ്ഥർ, പി.ഡബ്ല്യു.ഡി വിഭാഗം എൻജിനീയർമാർ,​ ഓവർസിയർമാർ, പൊന്നാനി പൊലീസ് ഉദ്യോഗസ്ഥർ എന്നിവർ പങ്കെടുത്തു.