കോങ്ങാട്: ലോക ജനസംഖ്യാ ദിനത്തിന്റെ ജില്ലാതല ഉദ്ഘാടനം കോങ്ങാട് സാമൂഹ്യ ആരോഗ്യകേന്ദ്രത്തിൽ നടന്നു. ജൂലായ് മൂന്നാംവാരവും നാലാംവാരവും വിവിധ സാമൂഹിക ആരോഗ്യ കേന്ദ്രങ്ങളിലായി വന്ധീകരണ ശസ്ത്രക്രിയകൾക്കായി ക്യാമ്പുകൾ നടത്തും. പാലക്കാട് ബ്ലോക്ക് പഞ്ചായത്ത് പ്രസിഡന്റ് വി.സേതുമാധവൻ ഉദ്ഘാടനം ചെയ്തു. കോങ്ങാട് ഗ്രാമപഞ്ചായത്ത് പ്രസിഡന്റ് ടി.അജിത് അദ്ധ്യക്ഷനായി.

ജനസംഖ്യ ക്രമാതീതമായി വർദ്ധിച്ചുവരുന്ന സാഹചര്യത്തിൽ കുടുംബാസൂത്രണ മാർഗങ്ങൾ ഉപയോഗിക്കേണ്ടതിന്റെയും കുഞ്ഞുങ്ങൾ തമ്മിലുള്ള ഇടവേള കൃത്യമായി ക്രമീകരിക്കുന്നതിന്റേയും പ്രാധാന്യത്തെക്കുറിച്ച് ജില്ലാ ആർ.സി.എച്ച് ഓഫീസർ ഡോ.എ.കെ.അനിത വിശദീകരിച്ചു. പാലക്കാട് ബ്ലോക്ക് പഞ്ചായത്ത് വൈസ് പ്രസിഡന്റ് പി.ആർ.സുഷമ, ജില്ലാ പഞ്ചായത്തംഗം എ.പ്രശാന്ത്, കോങ്ങാട് ഗ്രാമപഞ്ചായത്ത് ആരോഗ്യ സ്റ്റാൻഡിങ് കമ്മിറ്റി ചെയർമാൻ കെ.ടി.ശശിധരൻ, ഡെപ്യൂട്ടി ഡിസ്ട്രിക്ട് എഡ്യൂക്കേഷൻ ആൻഡ് മീഡിയ ഓഫീസർ പി.പി.രജിത തുടങ്ങിയവർ സംസാരിച്ചു.