anumodanam
കളഞ്ഞു കിട്ടിയ സ്വർണാഭരണം തിരികെ നൽകി മാതൃകയായ ശ്രീനന്ദേനേയും അഭിഷേകിനേയും അനുമോദിച്ചപ്പോൾ.

പട്ടാമ്പി: കഴിഞ്ഞ ദിവസം വെള്ളിയാംകല്ലിൽ നിന്ന് കളഞ്ഞു കിട്ടിയ സ്വർണാഭരണം തിരികെ നൽകി മാതൃകയായ ശ്രീനന്ദയേയും അഭിഷേകിനേയും അനുമോദിച്ചു. വൈസ് പ്രസിഡന്റും വാർഡ് മെമ്പറുമായ നിഷിതദാസ്, പ്രദേശവാസികളായ റിഷാദ് ബാബു, മണികണ്ഠൻ, ശിഹാബ് എന്നിവർ പങ്കെടുത്തു. കുളമുക്കിലെ മാത ഏഴിക്കോട്ട് പറമ്പിൽ രമ്യയുടെ മക്കളാണ് ഇരുവരും. ശ്രീനന്ദ പത്താം ക്ലാസിലും അഭിഷേക് ആറാം ക്ലാസിലുമാണ് പഠിക്കുന്നത്. ഒഴിവ് ദിനത്തിൽ കുടുംബസമേതം വെള്ളിയാംകല്ല് സന്ദർശിച്ചപ്പോഴായിരുന്നു സ്വർണാഭരണം ലഭിച്ചത്. തുടർന്ന് ആഭരണം പാർക്ക് ജീവനക്കാരന് കൈമാറുകയായിരുന്നു. പൊലീസ് ഉടമയെ കണ്ടെത്തി ആഭരണം കൈമാറുകയും ചെയ്തു.