വെച്ചൂച്ചിറ : മടന്തമൺ - വെച്ചൂച്ചിറ റോഡിലെ കൊടുംവളവുകളിൽ കാഴ്ച്ച മറച്ചുനിന്ന കാടും മരങ്ങളും ഉൾപ്പെടെ മുറിച്ചുനീക്കി. ചെമ്പനോലിക്ക്‌ സമീപം തോട്ടുങ്കൽപ്പടിയിലെ സ്ഥിരം അപടക വളവിലാണ് വട്ട ഉൾപ്പെടെയുള്ള പാഴ് മരങ്ങൾ നിന്നിരുന്നത്. കൊടും വളവിൽ വാഹനങ്ങളുടെ കാഴ്ചമറച്ച് മരങ്ങൾ നിൽക്കുന്നത് മൂലമുള്ള അപകട ഭീഷണിയെക്കുറിച്ച് കേരളകൗമുദി വാർത്ത പ്രസിദ്ധീകരിച്ചിരുന്നു. ഇതിനു പിന്നാലെയാണ് ഇവ മുറിച്ചുമാറ്റിയത്. ഇരു ദിശകളിലും വരുന്ന വാഹനങ്ങൾക്ക് വളവിന്റെ വ്യാപ്തി മനസിലാക്കാൻ കഴിയാത്ത അവസ്ഥയിലായിരുന്നു കാട് . ചെമ്പനോലിക്കും മടന്തമണ്ണിനും ഇടയിലായി വർഷം കുറഞ്ഞത് 10 വാഹനങ്ങളെങ്കിലും അപകടത്തിൽപ്പെടാറുണ്ട്. ഇതേ പാതയിൽ അനവധി അപകട വളവുകളുണ്ട്. ഒട്ടുമിക്ക വളവുകളിലും കാഴ്ച മറയ്ക്കുന്ന രീതിയിൽ കാടുകളോ ചെടികളോ നിൽക്കുന്നത് വാഹന യാത്രക്കാർക്ക് അപകട ഭീഷണിയാണ്