കോന്നി: രാജ്യത്ത് നിലവിൽവന്ന പുതിയ നിയമങ്ങളായ ഭാരതീയ ന്യായ സംഹിത, ഭാരതീയ നാഗരിക് സുരക്ഷാ സംഹിത, ഭാരതീയ സാക്ഷ്യ അധീനിയം എന്നിവ സംബന്ധിച്ച ബോധവത്കരണ ക് ളാസ് കോന്നി പൊലീസ്, കോന്നി ഗവ: ഹയർ സെക്കൻഡറി സ്കൂൾ എസ് പി സി യുണിറ്റുമായി ചേർന്ന് സംഘടിപ്പിച്ചു. ഡിവൈ.എസ്.പി പി.നിയാസ്, പൊലീസ് ഇൻസ്പെക്ടർ ആർ.രതീഷ് , സബ് ഇൻസ്പെക്ടർ എസ്.ഷമീർ എന്നിവർ ക്ലാസെടുത്തു. ടൗൺ ചുറ്റി നടന്ന റാലിയുടെ സമാപന യോഗത്തിൽ കോന്നി ഗ്രാമ പഞ്ചായത്ത് പ്രസിഡന്റ് അനി സാബു,. പൊലീസ് സബ് ഇൻസ്പെക്ടർ എം.ബിജുമോൻ, പി.ആർ.ഒ സക്കറിയ , കെ.രാജേഷ് ,സ്കൂൾ പ്രിൻസിപ്പൽ ജി.സന്തോഷ്, കെ.എസ്.ശ്രീജ,കമ്മ്യൂണിറ്റി പൊലീസ് ഓഫീസർമാരായ എസ്.സുഭാഷ്, കെ.എസ്.സൗമ്യ എന്നിവർ സംസാരിച്ചു.