പന്തളം : രാജ്യത്ത് പ്രാബല്യത്തിൽ വന്ന പുതിയ ക്രിമിനൽ നിയമങ്ങൾ ജനങ്ങളെ അറിയിക്കുന്നതിന് പന്തളം പൊലീസ് സ്റ്റുഡൻസ് പൊലീസ് കേഡറ്റുകളുമായി ചേർന്ന് നടത്തിയ പ്രോഗ്രാം നഗരസഭാ ചെയർപേഴ്‌സൺ സുശീല സന്തോഷ് ഉദ്ഘാടനം ചെയ്തു. പന്തളം എസ്.എച്ച്.ഒ പ്രജീഷ് ശശി, എസ്.ഐ.ആശിഷ്, എസ്.ഐ.രാജൻ, സി പി.ഒമാരായ രാജീവ്, കണ്ണൻ, എസ്.പി.സിയുടെ ചുമതല നോക്കുന്ന അദ്ധ്യാപകർ എന്നിവർ പങ്കെടുത്തു. പന്തളം എൻ.എസ്.എസ് സ്‌കൂളിലെയും തോട്ടക്കോണം എച്ച്.എസ്.എസിലെയും എസ്.പി.സി കേഡറ്റുകൾ ബോധവൽക്കരണ റാലിക്ക് നേതൃത്വം നൽകി.