ചെങ്ങന്നൂർ: എസ്.എൻ.ഡി.പി.യോഗം ചെങ്ങന്നൂർ യൂണിയനിലെ വെൺമണി മേഖലയിലുള്ള 5 ശാഖകൾ ചേർത്ത് വെൺമണി മേഖലാ കമ്മിറ്റി രൂപീകരിച്ചു. ചെങ്ങന്നൂർ യൂണിയൻ അഡ്മിനിസ്‌​ട്രേറ്റർ സുരേഷ് പരമേശ്വരന്റെ അദ്ധ്യക്ഷതയിൽ കൂടിയ യോഗത്തിൽ അഞ്ച് ശാഖയെ പ്രതിനിധീകരിച്ച് മേഖലയുടെ ഭാരവാഹികളായി 1556-ാം കോടുകുളഞ്ഞികരോട് ശാഖാ പ്രസിഡന്റ് രമണി കാർത്തികേയർ (ചെയർപേഴ്‌​സൺ), 1760​ാം വെൺമണി ശാഖാ സെക്രട്ടറി വി.ജി.മോഹനൻ (വൈസ് ചെയർമാൻ), 364​-ാം പുന്തല ശാഖാ സെക്രട്ടറി ഷൈൻ തച്ചോണത്ത് (കൺവീനർ) 2862​-ാം ചെറുവല്ലൂർ ശാഖാ പ്രസിഡന്റ് മനോജ് ശിവൻകുട്ടി, (ജോയിന്റ് കൺവീനർ) അഡ്മിനിസ്‌​ട്രേറ്റീവ് കമ്മിറ്റി അംഗമായി 150-ാം കൊഴുവല്ലൂർ ശാഖാ കൺവീനർ രവീന്ദ്രൻ കെ.എന്നിവരെ തിരഞ്ഞെടുത്തു. വിവിധ മേഖലയെ പ്രതിനിധീകരിച്ച് ഓരോ ശാഖയിൽ നിന്നും തിരഞ്ഞെടുക്കപ്പെട്ട പ്രതിനിധികൾ മേഖലാ യോഗ രൂപീകരണത്തിന്റെ കാര്യങ്ങളെകുറിച്ച് വിശദീകരിച്ചു. തുടർന്ന് 1556​ാം കോടുകുളഞ്ഞികരോട് ശാഖാ സെക്രട്ടറി പ്രിയദർശൻ സ്വാഗതവും മേഖലാ വൈസ് ചെയർമാൻ വി.ജി.മോഹനൻ കൃതജ്ഞതയും പറഞ്ഞു.