മല്ലപ്പള്ളി : താലൂക്ക് ലൈബ്രറി കൗൺസിലിന്റെയും സ്വരാജ് ഗ്രന്ഥശാലയുടെയും ആഭിമുഖ്യത്തിൽ വായനപക്ഷാചരണ സമാപനത്തിന്റെ ഭാഗമായി ഇന്ന് വൈകിട്ട് 3.30ന് സ്വരാജ് ഹാളിൽ നടക്കുന്ന യോഗം ഒ.അരുൺ കുമാർ ഉദ്ഘാടനം ചെയ്യും. ഫോക്ലോർ അവാർഡ് ജേതാവ് സുജീഷ്.എസിനെ ആദരിക്കും. സ്വരാജ് ഗ്രന്ഥശാല പ്രസിഡന്റ് ജി.വിജയകൃഷ്​ണൻ അദ്ധ്യക്ഷത വഹിക്കും. ഐ.വി.ദാസ് അനുസ്​മരണം സംസ്​ഥാന ലൈബ്രറി കൗസിൽ അംഗം കെ.പി.രാധാകൃഷ്​ണൻ നിർവഹിക്കും.
ഗ്രന്ഥശാലാ സെക്രട്ടറി സി.എസ്.ഗോപാലകൃഷ്ണൻ ഉണ്ണിത്താൻ ഉൾപ്പെടെയുള്ളവർ രചിച്ച കവനശ്രീ കവിതാസമാഹാരം താലൂക്ക് ലൈബ്രറി കൗൺസിൽ പ്രസിഡന്റ് അഡ്വ.ജിനോയ് ജോർജ്ജ് പ്രകാശനം ചെയ്യും.