പത്തനംതിട്ട: കുവൈറ്റിലെ തീപിടി​ത്തത്തിൽ മരിച്ച തിരുവല്ല മേപ്രാൽ സ്വദേശി തോമസ് പി ഉമ്മന്റെ കുടുംബത്തിനും പന്തളം മുടിയൂർക്കോണം സ്വദേശി ആകാശ് ശശിധരന്റെ കുടുംബത്തിനുള്ള ധനസഹായം മന്ത്രി വീണാ ജോർജ് വീടുകളി​ലെത്തി​ കൈമാറി. 14 ലക്ഷം രൂപയുടെ ചെക്കാണ് ഇവർക്ക് നൽകിയത്. മുഖ്യമന്ത്രിയുടെ ദുരിതാശ്വാസ നിധിയിൽ നിന്ന് അഞ്ച് ലക്ഷം, വ്യവസായി എം.എ.യൂസഫലി അഞ്ച് ലക്ഷം, നോർക്ക ഡയറക്ടർ രവി പിള്ള രണ്ട് ലക്ഷം, ലോകകേരള സഭാംഗം ബാബു സ്റ്റീഫൻ രണ്ട് ലക്ഷം എന്നി​ങ്ങനെ 9 ലക്ഷമാണ് ധനസഹായമായി നൽകിയത്. ഡെപ്യൂട്ടി സ്പീക്കർ ചിറ്റയം ഗോപകുമാർ, അഡ്വ. മാത്യു ടി തോമസ് എം.എൽ.എ, ജില്ലാ കളക്ടർ എസ്.പ്രേംകൃഷ്ണൻ, നോർക്ക റൂട്ട്സ് തിരുവനന്തപുരം സെന്റർ മാനേജർ സഫറുള്ള എന്നിവരും മന്ത്രിക്കൊപ്പം പങ്കെടുത്തു.