തിരുവല്ല: സാധാരണപ്പെട്ടവർക്ക് ഏറെ പ്രയോജനകരമായ തിരുമൂലപുരത്തെ കമ്മ്യൂണിറ്റി ഹാൾ നിലനിറുത്തണമെന്നാവശ്യപ്പെട്ട് സി.പി.എം തിരുവല്ല ടൗൺ സൗത്ത് ലോക്കൽ കമ്മിറ്റി നേതൃത്വത്തിൽ നഗരസഭാ ഓഫീസിലേക്ക് ബഹുജന മാർച്ച് നടത്തി. ഏരിയാ സെക്രട്ടറി അഡ്വ. ഫ്രാൻസിസ് വി.ആന്റണി ഉദ്ഘാടനം ചെയ്തു. ഏരിയാ കമ്മിറ്റിഅംഗം ടി.എ റെജികുമാർ അദ്ധ്യക്ഷത വഹിച്ചു. ഏരിയാകമ്മിറ്റി അംഗങ്ങളായ സി.എൻ.രാജേഷ്, എം.സി.അനീഷ് കുമാർ, പി.കെ.എസ് എരിയാ സെക്രട്ടറി ടി.അജിത് കുമാർ എന്നിവർ സംസാരിച്ചു.