പെരുനാട് : ഇന്നലെയുണ്ടായ ശക്തമായ മഴയിലും കാറ്റിലും കാവനാൽ മണിയാർ റോഡിൽ മരം കടപുഴകി വീണു വൈദ്യുത ലൈനും തൂണും നിലംപതിച്ചു. വൈകി​ട്ട് നാലോടെയാണ് റബർ മരം ഒടിഞ്ഞു ലൈനിലേക്ക് വീണത്. മരവും വൈദ്യുത ലൈനും തൂണും റോഡിലേക്ക് കിടന്നതിനാൽ ഏറെ നേരം ഗതാഗതം തടസപ്പെട്ടു. നാട്ടുകാർ അറിയിച്ചതിനെ തുടർന്ന് വടശ്ശേരിക്കര സെക്ഷൻ ഓഫീസിൽ നിന്ന് വൈദ്യുതി​ വി​തരണം നി​റുത്തലാക്കി​. മേഖലയിൽ ഇന്നലെ ഉച്ച മുതൽ ശക്തമായ മഴയാണ്.